بالعربي الفصيح
تحرك الجبل صارخا
تكلم بالعربي الفصيح
كلام الليل مَدهون بِزبده
يطلع عليه النهار يسيح
و الله يخليكي يا شِده
يا للي فَضحتي القبيح
اللي بيظهر لنا المَوده
و كُنا فاكرين إنُه مَليح
كان عامل ف الحق عُمده
و طلع ف الباطل فَصيح
يدخل عليك ف إيده وَرده
و عُمر ما كان شَكلُه مُريح
و الحمد لله النهار ده
بان لنا مَعدنُه الصَفيح
بُكره يطلب المُسانده
و يبقي ريشه ف مهب ريح
و النفوس هتكون معانده
ما هو القلب لِساه جريح
و الفارس هيفضل كومانده
من غير شُكر و لا مَديح
و العَبد طَواشي اللوكانده
عُمرُه ما هيكون راجل صَحيح
0 تعليقات