حِلم مشروع
جَربت تبكى مَره من غير دموع؟
أو حتى تئن بصوت مِش مَسموع؟
أو تخَبى وأنت فِعلا قَلبك مَوجوع؟
أو تخفى حزنك وألمك بين الضلوع؟
أو جربت تمشى ف طريق بدون رجوع؟
أو تودع غالى حان خَريفه ف عز الربيع؟
أو تسهر ليلك وَحيد تبكى على ضوء شموع؟
أو تسيب روحك زى مركب مبحره من غير قلوع؟
أو تطير بدون جناح فى السماء وحلمك يكون مشروع؟
أو تعتزل وتروح بعيد تهجر العالم وتختفى عن الجميع؟
أو تكون ثابت فى الأرض زى الوتد شجرة من غير فروع؟
أو تعيش رَحَال تسكن وديان وجبال تكون من الكلام ممنوع؟
أنا هذا السجين روح محبوسة فى جسد طين تتمنى الطلوع
إنسان مطيع كائن وَديع محكوم عليا أعيش فى فقر و جوع
الصبر عنوانى والصَمت سَجَانى عايش بإيمانى بدون خضوع
0 تعليقات