نهواك يا بلادي
بقلم الشاعره الجزائريه عقيله بلقاسم 🇩🇿
نهواك يا بلادي وفيك نكتب قصيدة شعر
قيمتك عاليه بين البلدان بيك نتباهى ونتفاخر
وقد ما نوصف ابهاك يا الغاليه والله ما نقدر
ربّي من كُلّ النِّعم احباك واعطاك ووفّر
راح انقول مين المقصود بأعلى صوتي وانعبّر
عَشتِ وعاش شعبك يا جزائر
بلادي بلاد الكفاح وبلاد لحرار
بلادي بلاد الثّوره وبلاد الثُّوَار
راضعين حبّها مع حليب ماتنا ملّي كنّا صغار
بلادي بلاد الجنود البواسل
ألي ضَحّاوا عليها نسا ورِجَال
7سنين كفاح وجهاد ونضال
أسود كافحت وحاربت وشقّت
لجبال
ما تخاف ما تهاب من الصّعب والأهوال
مارضاوش بالحقره والذّل
بالسلاح والعزيمه والأخوه حققنا الأنتصار
على بلادنا نموت نموت وعليه نغار
نموت على بلادنا حتّى ولو
قدّمنا ارواحنا وولادنا ومناش نادمين
نفديه بالروح والمال و بارموش العين ومناش سامحين
أبطالنا وَلدُوهم لحراير
ألي واقفين ديما جنب الراجل
إيد بإيد ما يعرفوا لا خوف ولا محال
ويسبّلوا بأرواحهم على الجزائر
بلادي بلاد الأصاله والعروبه
وابطالها أسمايهم فالتاريخ
بدّمهم مسجلة ومكتوبه
بن باديس والأمير عبد القادر
والمختار فخر لينا وعز وهيبه
ومننساش علي لبوانت وزيغود
يوسف وحسيبه بن بو علي
وغيرهم كثير وكثير واش نحكي واش نذكر
من الشيء ألّي قدّموه لبلادهم
والله لعقل يبقى حاير
جميعهم قدموا رواحهم فدا الجزائر
مليون ونصف شهيد الأرض من دّمهم تروات
وبيها زّهرت ونوّرت واحيات
ثَارُوا باهتافهم كلمه وحده الله
أكبر نموت نموت وتحيا الجزائر
والنشيد الوطني يدوّي ومن
قوّته كتسمعه ترهب
كلمات كتبها بن باديس خلّدها التاريخ وليه انتسب
نعيش في بلادي فقير لكن مرفوع الرّاس
خير ما نعيش غريب مذلول ومحڨور في بلاد الناس
انعيش فيه بكرامتي حتّى ولو على الخبز والما
نيفي مرفوع وراسي فالسما
وعلامها نجمه واهلال فالسما يرفرف
مرفوع بالنشيد والدموع من العين تذرف
بلادي محميه بجيشها المغوار
حاميها فالليل و فالانهار
محصن حدودها من الشرق
للغرب ومن الجنوب لشمالها
ويا ويحه ألّي فكّر يدخل أو يحتلّها
يلقاه بالمرصاد وعلى نيابه مكشّر
يدب فيه الرعب وخليه في مكانه مُوَدَّرْ
نرحبوا بيه على العين والرّاس إلا قصد لينا زاير
بلادي بلاد الأصاله وابلاد الكرامه
مناظرها خلاّبه وين ما تروح تلقاها ديما
ومننساش الثقافه والعلم والفن من كل ألوان
تلقى الجزايري والعنّابي
ولقسمطيني والوهراني
والشاوي ولمزابي ويحسراه
على سطايفي والنّايلي اصحاب البارود
يطربوك باعذب للحان ويا
مزينها القعده قدام شطّها على نغم العود
تراث بلادي عريق وكنحكي عليها نفرح
عايشه فيها حرّه وفيها نسعد ونربح
مع ولادي وأهلي وولاد بلادي نرتاح
على بلادي راني نقول ونشعر
بأعلى صوتي نقول ونعبّر
تحيا الجزائر جيش شعب خاوا خاوا
نعيشوا فيها متّاحدين بلا عدواه
وقد ما طوالت لعمار
وتحيا الجزائر🇩🇿🇩🇿🇩🇿🇩🇿
0 تعليقات