مات الضمير
حكمت المحكمة والحكم كان ظالم
حدوتة مصرية ورب العباد هوَ العالِم
حبسوا الجرئ وكان برئ بالحُجه والبُرهان
حرروا القاتل الجانى وطَلعوا القتيل غارم
مات الضمير ومَوت فينا حاجات كتير
مَوت أمل الصُغير يا ناس قبل الكبير
مَوت الحِلم الوليد فينا ودا شئ خطير
مَوت الفرحة والبسمة والألم أصبح مصير
والكل تايه معاكم ومش فاهم
لبسنا ليه توب الفيران؟وعشقنا فتافيت الجبنه
نازلين لف ودوران لا ودينا خبر ولا حتى جِبنا
نايمين نحلم برضا السُلطان اللي منفض جيوبنا
والجاني على كل بلاويه مش نادم
مات الكلام يا موظفين ناقصين علام
مات العلام يا أدارة كدابه بيًاعين كلام
مات الأمان لم الأخ داس أخوه وسط الزحام
حد يجاوبني النهارده سعر الواحد فينا كام ؟
ما كلنا حمير خشب ولا حد فينا بقى سالم
ما الكل بقي خادم و بُكره الهَوان قادم
أصبحنا دُخان و عوادم و النقابة لينا لجام
وعلي حقوقنا السلام وعيشتنا حرام×حرام
متى نستقم كما أمرنا الله و نعود لأصلنا كِرام ؟
0 تعليقات